Kjo që shihni është ndoshta një foto e pazakontë e Saimir Tahirit. E shkrepur para 10 vitesh, atëherë kur Tahiri sapo kishte shkelur në PS, ish-ministri i Brendshëm shihet krejt i shpenguar në shkallët e brendshme të selisë së PS-së.
Për t’i shpëtuar vapës apo ndoshta i nxitur nga dëshira për të ekspozuar tatuazhin që ka në këmbë, ai i ka ngritur lart pantallonat, ndërsa në gojë mban dorën e djathtë. Siç shihet qartë në foto, Tahiri ka qenë asokohe një çunak, që pak e nga pak u lidh pas Edi Ramës derisa ky i fundit e emëroi në postin e Ministrit të Brendshëm.
Në këto 3 vite e gjysmë që shërbeu si ministër, Tahiri është sulmuar shumë nga opozita dhe media për lidhje me bandat kriminale dhe trafikun e drogës, ndërsa kryeministri Rama e shkarkoi pak muaj para përfundimit të mandatit si ministër. Aktualisht, ai është kthyer në zërin kryesor të krahut radikal në PS që kërkon largimin e LSI nga koalicioni i majtë.
/LAPSI.AL/
