Në inaugurimin e Pazarit të Ri, Erion Veliaj prezantoi disa nga zyrtarët e Bashkisë që kishin kontribuar në projekt. Ndërsa përmendte emrat një nga një, duket se e teproi kur foli për një nga punonjëset e bashkisë, për të cilën tha se e shajnë pas krahëve si “xhadë”.
“Ilda është kryeinxhinierja jonë e punëve publike. Shumë prej kompanive që punojnë në Tiranë thonë: Kur do iki ajo xhadë nga bashkia! Je bërë terrori i kompanive! Është e vetmja mënyrë se si ne garantojmë cilësinë në Tiranë, kur një zonjë shkon dhe kontrollon çdo punë. Ilda është duke u marrë me kopshtet dhe shkollat. Megjithëse është bërë me një beb na ka garantuar cilësi siç di ajo” ishte deklarata e Veliajt në transmetim direkt.
