Policët do t’ia përmendin emrin Saimir Tahirit ditën e rrogave, kur të marrin një shtesë të konsiderueshme për muajin mars. Gjithsesi në ditën e fundit si ministër, policet e qarkullimit i kishin përgatitur një surprizë. Në vizitën që bëri në komisariat, vajzat police mbanin në duar një pankartë ku shkruhej: Faleminderit Saimir Tahiri!
“Jam shumë i emocionuar. Po të rri më shumë këtu, do prekem”, mësohet t’i ketë thënë Tahiri.
Një moment që elektrizoi të pranishmit ishte kur Tahiri thirri: Shqipoooonja?
Pas kësaj policët kanë shpërthyer në duartrokitje.
Nga atmosfera në komisariat, mund të thuhet se Tahiri ka për t’i shpëtuar ca kohë gjobave të policisë rrugore, megjithatë asnjëherë nuk i dihet.
