Ende pa u futur në Shtëpinë e Bardhë, si president i SHBA, kryetari i Bashkisë Kamëz, Xhelal Mziu e ka bërë lëvizjen e parë. Bashkia Kamëz i ka dhënë titullin “Qytetar Nderi” Donald Trump-it. Në mbledhjen e radhës të Këshillit Bashkiak, këshilltarët votuan në mënyrë unanime projektvendimin në të cilin propozohej shpallja “Qytetar Nderi” të Presidentit amerikan Donald Trump, me motivacion: “Si një model revolucionar i rendit të ri demokratik, një ekspert ekonomik, një negociator në politikat e jashtme, një komunikues mendjemprehtë popullor dhe një udhëheqës i kohëve moderne”. Por Tv Klan thotë se ka mësuar nga burimet e tij se edhe një rrugë e Kamzës do të marrë emrin Melania Trump.
