Ashtu siç pritej, tifozeria shqiptare në përballjen me Francën ishte e zjarrtë! Të gjithë ishim dëshmitarë të atmosferës pozitive që bashkëkombasit tanë dhuruan në vigjilje të ndeshjes, teksa pushtuan rrugët e Marsejës me simbolet kuq e zi.
Krahas së përgjithshmes që nuk kishte se si t’i shpëtonte mediave të huaja, të tjera detaje ranë në sy të atyre që kishin shkuar të shijonin eksperiencën e veçantë në Francë.
Kështu, një kompani djathrash francezë kishte zgjedhur si ambalazh për produktin e tyre flamurin Shqiptar! Në hotelet e Marsejës, tifozëve kuq e zi iu servir djathi tradicional me simbolin shqiptar. Shija e tij është e imagjinueshme… dyfish më e mirë!
Nga ana tjetër, në rrugët e qytetit francez u panë shumë automjete me targa shqiptare. Por ndryshe nga ata që kishin shkuar me vetura luksoze, këta punonjës të kompanisë së kafes “Ama”, duket se ishin në udhëtim për “një rrugë e dy punë”. Jo vetëm qejf dhe tifozllik, por dhe promocion e marketing me makinat e branduara “Ama”.
