Ditën e sotme në bregdetin e Shëngjinit disa peshkatarë të rinj kanë kapur një peshkaqen që peshon 200 kilogramë. "Gjallesa e çuditshme është zënë në një thellësi uji prej 600 metrash", raportojnë peshkatarët e barkës ‘’Brunel’’.
Peshkaqeni ka sy jeshil dhe lëkura e tij e kuqe është e ndryshme nga ajo që jemi mësuar të shikojmë tek peshqit. Djemtë thonë se ky është rasti i dytë që kapin një peshkaqen, ndërkohë që ai i mëparshmi peshonte 433 kilogramë.
Peshkaqeni është hedhur në varkë me vështirësi duke marrë parasysh peshën që kishte. Peshkatarët thonë se mishin e tij do e konsumojnë të gjithë së bashku, pasi ka një shije shumë të mirë.
