Edi Rama ka bërë një postim të pazakontë në rrjetet sociale. Me t’u zgjuar në mëngjes ai ka hedhur në facebook një video ku presidenti amerikan Obama shfaqet duke kënduar si homazh për këngëtarin e madh Ray Charles. Kryeministri duket i prekur nga kjo video dhe ka dashur ta ndajë me ndjekësit, të cilëve duket sikur u kërkon ndjesë që nuk ua nisi akoma më herët atë. “Nuk ndodh shpesh qe nga shfletimet e mengjesit te marresh kete kenaqesi. Duhet t'jua kisha nisur me heret po nejse:-)”, shkruan kryeministri. Komentuesit e vlerësojnë në përgjigjësi për përzgjedhjen, duke i thënë shpesh se edhe në këtë rast ai tregon se është një artist dhe një lider i vertetë. Ka disa që i kërkojnë të mos ua vonojë kaq shumë “perla” të tilla. E ca të tjerë që i kujtojnë se s’është nevoja të “mundohet”, sepse performancën e Obamës e kanë parë në lajme, që para dy ditësh. /Lapsi.al
