“Në kuadër të reformës së re kurrikulare për arsimin e mesëm të lartë, Instituti i Zhvillimit të Arsimit ka hartuar “Guidën e Prindërve”, një pamje e përgjithshme e gjimnazit të së ardhmes. Kjo guidë e thjeshtë për çdo prind shpjegon se si do të jetë plani i ri mësimor, cilat janë fushat (lëndët) e gjimnazit dhe disa nga risitë e kurrikulës së re për gjimnazin”.
Me këto dy fjali Ministria e Arsimit e Shqipërisë ka bërë publike nismën e re të saj në ndihmë të prindërve. A e gjeni dot se sa fjalë të huaja ka në këto dy fjali? Në ministrinë e Arsimit duket se nuk janë të shqetësuar për këtë. Mbrojtja e gjuhës kombëtare duket se nuk është përparësi. Të paktën fjalën “guidë” mund të na e kishin kursyer, meqë “ne kemi fjalën e bukur shqipe “udhëzim”. /lapsi.al/.
