Me vendim të Këshillit të Ministrave nuk lejohet parkimi i automjeteve në Bulevardin “Dëshmorët e Kombit nga ura e madhe e Lanës deri te sheshi Nënë Tereza, përfshirë edhe këtë të fundit. Kështu thotë ligji, por që mesa duket ka edhe përjashtime. Sidomos kur bëhet fjala për të huajt. Ambasadorët e vendeve të rëndësishme të akredituar në Tiranë ishin të ftuar në një ceremoni më rastin e festave në selinë e Kryeministrisë. Me këtë rast, makinat e të gjithë diplomatëve të huaj ishin rreshtuar përpara selisë së kreut të qeverisë duke bllokuar njërën prej korsive. A do të ndodhte kjo në një vend të BE, nga janë edhe shumica e ambasadorëve të ftuar?/lapsi.al/
