Këtë fundjavë, festa dhe organizimet në Los Angeles janë përqëndruar tek çmimet Grammy, të njohura ndryshe si Oscar-ët e muzikës. Në të njëjtën atmosferë duket se gjendet edhe Bleona, e cila ka qenë e ftuar të premten në eventin "Music Cares", për të nderuar Bob Dylan si personi i vitit, në ndihmë të muzikantëve në nevojë. Krah Bleonës, në tapetin e kuq janë parë të parakalojnë Lady Gaga & Tony Bennett, Tom Jones etj. E veçanta e kësaj nate ka qenë një ankand që është mbajtur edhe për fustanin e famshëm prej rrjete, me të cilin Bleona u shfaq në American Music Awards, nëntorin e shkuar.
