Nuk ka më asnjë shpresë për Bobbi Kristina, vajzën e këngëtares legjendë Whitney Houston. Ajo ndodhet në gjendje kome në spital pasi u gjet pa ndjenja pas një overdoze drogë në vaskën e banjës së saj. Ngjarja ndodhi para pak ditësh. Sipas portalit të njohur amerikan TMZ, mjekët i kanë komunikuar të atit, Bobby Brown se vajza nuk do ta marrë më veten për shkak të dëmtimeve të rënda në tru. Ata i kanë sugjeruar të marrë vendimin për heqjen e prizës së makinerive që e mbajnë në jetë. Kjo tragjedi vjen vetëm pak ditë nga 3 vjetori i ndarjes nga jeta të Whitney e cila gjithashtu vdiq për shkak të një overdoze droge dhe u gjet pa jetë në vaskën e banjës së saj. Pas vdekjes së të ëmës edhe vajza kishte pasur probleme të mëdha psikologjike./lapsi.al/
