Të dyja aktoret janë bërë bashkë për një selfie, për të thënë se duan të luajnë përsëri në skenë si dikur. "Sa kam mall të luajmë bashkë përsëri"- ka shkruar në foton e postuar në IG, Drejtorja e Teatrit të Kukullave, Monika Lubonja. Në këtë pozë, e qeshur shfaqet edhe Yllka Mujo, e cila duket se i mungon gjithashtu partnerja e dikurshme, tek vepra "Menaxheria e qelqtë". Mbetet për t'u parë nëse kjo selfie paralajmëron një bashkëpunim të ri për aktoret, të cilat ndoshta duhet të konsiderojnë edhe ndonjë shfaqje për fëmijë, meqë Monika ka mundësi të vendosë vetë për projektet e Teatrit të Kukullave.
