Të martën pak pas mesditës u përcoll për në banesën e fundit Gentian Demaliaj, ish-vokalisti i grupit “Djemtë e Detit”. Demaliaj humbi luftën me sëmundjen vdekjeprurëse të kancerit në moshën 40-vjeçare. Por siç rrëfen për “GSH”, kushëriri i tij Tedi Ngjela, ai iku duke lënë dhe një amanet të fundit. “Së fundmi Genti kishte shkruajtur një këngë për babanë e vet. Ai dëshironte ta këndonte, por sëmundja nuk e la. Ai ka lënë amanet që t’a këndojë dikush tjetër, por nuk mund t’a them emrin e tij” - ka thënë Ngjela. Djemtë e Detit mbahen mend për disa këngë të tyre, por më të njohurat kanë qenë padyshim “Mos qaj” dhe “Jakup Ferri”.
