Fotoja më sipër është publikuar nga portali “silive.com” dhe tregon bulevardin “Hylan” në Nju Jork. Aty janë vënë re disa flamuj shqiptarë, në përkujtim të 28 nëntorit, ditës së Pavarësisë së Shqipërisë. Në krah të tyre ndodhen të varur edhe flamujt amerikanë. Megjithatë, sipas të njëjtit burim amerikanët nuk kanë kuptuar asgjë pasi nuk e njohin flamurin shqiptar.
Thuhet se flamujt u kanë rënë në sy zyrtarëve të zonës të cilët kanë deklaruar se për të bërë një gjë të tillë duhet leje e veçantë. Në krahun tjetër shqiptarët që jetojnë në SHBA janë ndjerë krenarë për vendosjen e simbolit të tyre në shenjë të përvjetorit së pavarësisë.
