Gazeta Express nuk po lë rast pa e shigjetuar gazetarin Sokol Balla. Pak kohë më parë dy palët shkëmbyen replika të ashpra në distancë. Sot Express i ka kushtuar një shkrim në lidhje me vizitën e kryeministrit Rama në Beograd, të cilën Balla po e ndjek personalisht. Ja shkrimi i plotë i Gazetës Express.
Mediat serbe gallatë me adoleshentin Sokol Palla
Mediat serbe po e përcjellin me vëmendje vizitën e Kryeministrit shqiptar në Beograd. Por s’lënë pa kapur edhe momente “interesante”. Një prej tyre, por që mediat serbe e trajtojnë me humor është kjo fotografi e gazetarit shqiptar, Sokol Balla, i cili duket se atje ka shkuar më shumë për turizëm sesa për t’i informuar shikuesit e tij.
Sjellje të tilla, zakonisht bëjnë adoleshentë të pa-shëtitur dhe nga vende të izoluara të botës, por s’do duhej të bëheshin nga një gazetar i një televizioni të rëndësishëm, siç është Top Channel.
