Flash

11 grabitje në pak ditë në Lezhë

Lapsi.al 13 June 2026

Një valë vjedhjesh që kishte krijuar shqetësim te bizneset në Lezhë është goditur nga Policia, e cila ka arritur të zbardhë 11 raste vjedhjesh të ndodhura brenda pak ditësh, raporton gazetari i Klan News Martin Marku.

Sipas të dhënave paraprake, hajdutët kishin vënë në ‘shënjestër’ kryesisht dyqane dhe njësi të ndryshme shërbimi, duke shkaktuar dëme materiale dhe pasiguri te pronarët e bizneseve. Një prej rasteve, mund ta shihni në pamjet e mëposhtme, ku autorët hapin derën e dyqanit krejt qetësisht.

 
Pas një pune intensive hetimore, grumbullimit të provave dhe analizimit të pamjeve filmike, uniformat blu kanë bërë të mundur identifikimin e autorëve të dyshuar. Në pranga ka rënë një 21-vjeçar, ndërsa një 25-vjeçar është shpallur në kërkim dhe vijon puna për kapjen e tij.

 
 
Operacioni konsiderohet një goditje e rëndësishme ndaj autorëve të këtyre vjedhjeve, ndërsa zbardhja në kohë e 11 rasteve dëshmon reagimin e shpejtë dhe efikasitetin e Policisë në garantimin e rendit dhe sigurisë në qytet.

Hetimet vijojnë për të dokumentuar plotësisht aktivitetin kriminal dhe për të verifikuar përfshirjen e tyre në raste të tjera të mundshme.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI