Qindra qytetarë u mblodhën këtë të martë në Tiranë, ku po zhvillohet protesta e 59-të radhazi kundër qeverisë së kryeministrit Edi Rama.
Tubimi nisi në Sheshin “Skënderbej”, ku pjesëmarrësit mbajtën fjalime dhe shprehën qëndrimet e tyre kundër qeverisë, përpara se të nisnin marshimin nëpër rrugët kryesore të kryeqytetit.
Me flamuj kombëtarë, pankarta dhe thirrje kundër qeverisë, protestuesit kërkuan ndryshim politik dhe dorëheqjen e Edi Ramës. Marshimi po zhvillohet në mënyrë paqësore.
Protestuesit theksuan se protestat do të vijojnë edhe në ditët në vazhdim, me kërkesën për largimin e kryeministrit Edi Rama dhe përmbushjen e kërkesave të tyre.
