Qytetarët do të mblidhen sërish sot në orën 18:00 para Kryeministrisë, në ditën e 11-të të protestave kundër qeverisë dhe kryeministrit Edi Rama. Lëvizja, e nisur fillimisht kundër projektit në Zvërnec, është shndërruar në një revoltë më të gjerë qytetare.
Një natë më parë, mijëra protestues tubuan nën sloganin “Shqipëria e Re”, duke kërkuar dorëheqjen e kryeministrit dhe ndryshime në sistemin politik. Gjatë protestës u dëgjuan thirrje kundër klasës politike dhe në mbështetje të mbrojtjes së interesit publik.
