Michele Di Gregorio është gati të largohet nga Juventus. Marrëveshja mes klubit bardhezi dhe Bournemouth është një hap larg dhe parashikon huazimin me të drejtë blerjeje të vendosur në 14 milionë euro plus bonuse, raporton Sky Sport. Nëse kontaktet e orëve të ardhshme do të përfundojnë me sukses, portieri i lindur në vitin 1997 do të mund të udhëtojë drejt Anglisë për atë që do të ishte eksperienca e tij e parë jashtë vendit.
Në dy sezonet te Juventus, Di Gregorio ka grumbulluar 84 paraqitje, në të cilat e ka mbajtur portën të paprekur 36 herë. Më parë, portieri i rritur në akademinë e Interit kishte luajtur me Renaten, Novaran, Pordenonen dhe Monzën, me të cilën debutoi në Serie A në vitin 2022.
Pas blerjes së Vicarios, Juventus është kështu gati t’i japë lamtumirën të dy portierve: Di Gregorios e Perin, me këtë të fundit që është drejtuar te Palermo në Serie B. Nëse të dyja operacionet e largimit do të përfundojnë me sukses, është e qartë se Carnevali dhe Massara do të duhet të punojnë për të gjetur një portier të dytë në nivelin e duhur për bardhezinjtë. Mes emrave të shfaqur në orët e fundit, siç raporton Sky Sport, është edhe ai i Santiago Beltran, i lindur në vitin 2004 dhe pjesë e River Plate. Në Argjentinë konsiderohet si pasuesi i mundshëm i Dibu Martinez.
Kështu, jo vetëm Vicario, por me shumë mundësi edhe një portier tjetër do të regjistrohet së shpejti nga Juventusi. Po, sepse tashmë duket se është bërë gjithçka për transferimin e Mattia Perinit nga bardhezinjtë te Palermo në Serie B. Pippo Inzaghi do të ketë në dispozicion portierin me përvojë për të nisur misionin e promovimit në Serie A të skuadrës rosanero. Ardhja e Guglielmo Vicarios duket se e ka irrituar vetë Perinin, i cili mendonte se, pas mënjanimit të qartë të Di Gregorios nga trajneri dhe klubi, më në fund mund t’i kishte ardhur mundësia për të marrë portën e bardhezinjve, të cilën e ka parë për shumë vite nga pankina e Allianz.
Dhe në fakt pikërisht ardhja e ish-portierit të Tottenham e ka bërë Perin të kuptojë se me shumë mundësi do të përjetonte një tjetër sezon në hije, edhe pse vendin si titullar do ta konkurronte gjithsesi me ish-portierin e Empolit. Perini, pa e kërkuar aspak këtë Spalletti, u ka dhënë agjentëve të tij mandatin për të ndryshuar ambient pikërisht për të gjetur hapësirë diku tjetër. Juve nuk do të kishte bërë rezistencë, edhe si një gjest mirënjohjeje ndaj një futbollisti me të cilin ekziston një lidhje e thellë. Dhe për këtë arsye është gjendur me shpatulla pas murit, duke i lënë Perinit lirinë për të zgjedhur pa probleme rrugën e tij.
Që nga ardhja e teknikut Spalletti, në fakt, Perin ishte cilësuar nga trajneri si një njeri i dhomës së zhveshjes, i aftë t’u transmetojë mentalitetin e Juventusit lojtarëve të rinj. Ai që e ka përjetuar “Zonjën e Vjetër” me Cristiano Ronaldon dhe shumë protagonistë të tjerë të së kaluarës së afërt, me të cilët ka fituar shumë. Perini ka kontratë deri në vitin 2028, me opsion rinovimi automatik për një tjetër sezon në rast të ngjitjes në Serie A, ndërsa paga e tij arrin pothuajse 2 milionë euro. Me pak fjalë, një kontratë e rëndësishme për të dhe një largim i dhimbshëm nga pikëpamja njerëzore për Juventus, i cili megjithatë me largimin e tij mund t’i hapë rrugën një afrimi të ri.
Për bardhezinjtë, largimi i Perin është në fakt një mundësi, sepse “Zonja e Vjetër” do të rikuperonte atë hapësirë që i mungon për t’i bërë Kessié ofertën e duhur të pagës në këto orë. Mesfushori u ka dhënë përparësi pikërisht bardhezinjve, duke u mbështetur te vlerësimi për Massaran që nga koha e Milanit. Drejtuesit e merkatos së Juves kanë rikuperuar tashmë rreth 6 milionë euro nga paga e Arthur dhe, me largimin e Perin, do të gjenin edhe rreth dy milionë të tjera pikërisht për t’i dhënë dritën jeshile ardhjes së ivorianit. Me Di Gregorio të destinuar për në Premier League, një tjetër portier është i detyrueshëm, por nuk përjashtohet as një promovim i të riut Radu…
