Një vatër zjarri ka përfshirë gjatë natës fshatin Gjyralë, pjesë e Bashkisë së Cërrikut. Flakët kanë përfshirë një sipërfaqe të gjerë me shkurre dhe bimësi të ulët, duke u përhapur në zonë. Fatmirësisht, nuk ka rrezik për zonat e banuara.
Pas marrjes së njoftimit, në vendngjarje janë dërguar dhjetëra punonjës të shërbimit zjarrfikës, dy mjete, si dhe forcat e emergjencave civile të Cërrikut. Ekipet kanë punuar gjatë natës dhe vijojnë ndërhyrjen për izolimin e vatrave, vënien e flakëve nën kontroll dhe shuarjen përfundimtare të zjarrit.
