Pothuajse një muaj pas përplasjeve të ndodhura gjatë finales së Botërorit mes Argjentinës dhe Spanjës, FIFA ka zyrtarizuar sanksionet disiplinore ndaj lojtarëve të përfshirë. Pezullimi më i rëndë i është dhënë Leandro Paredes, i ndaluar për dhjetë ndeshje, ndërsa shtatë janë ndeshjet e pezullimit për Nahuel Molinën. Thiago Almada do të duhet të vuajë dy ndeshje, ndërsa një ndeshje i është dhënë spanjollit Gavi. Të gjitha pezullimet do të vuhet me kombëtaret përkatëse dhe për këtë arsye nuk do të kenë pasoja në ndeshjet që lojtarët zhvillojnë me klubet e tyre.
Komisioni Disiplinor i FIFA-s mori vendimin pasi shqyrtoi raportet lidhur me episodet e ndodhura menjëherë pas vërshëllimës së fundit të sfidës mes Argjentinës dhe Spanjës. Procedura ishte hapur zyrtarisht më 29 korrik, pas mbledhjes së dokumentacionit disiplinor, dhe përfundoi me sanksionet e zyrtarizuara sot. Argjentina më pas do të duhet të paguajë një gjobë prej më shumë se 300 mijë eurosh për shkeljen e neneve 13, 14, 15 dhe 17 të Kodit Disiplinor.
— ? (@Jeffpriv5) August 21, 2026
Çfarë ndodhi në fund të Argjentinë-Spanjë
Pezullimet erdhën pas sherrit që shpërtheu në përfundim të finales së Botërorit, të fituar nga Spanja. Situata u bë e tensionuar pas një përplasjeje të ashpër mes Molinës dhe Rodrit: argjentinasi kishte goditur mesfushorin spanjoll që po festonte fitoren dhe në atë moment gjithçka degjeneroi. Paredes kishte ardhur me vrap duke goditur Eric Galcian me një shkelm dhe duke e kapur prej fyti, veprime të dhunshme që i sollën një karton të kuq pas përfundimit të ndeshjes. Në atë pikë Gavi kishte mbrojtur bashkëkombësin e tij, por edhe ai ishte rrëzuar përtokë nga ish-lojtari i Romës, i cili u ndal me vështirësi nga Thiago Almada.
Paredes e pësoi më keq me kartonin e kuq dhe sjellja e tij e dhunshme u dënua me dhjetë ndeshje pezullim, një sanksion i rëndë për Argjentinën, e cila humbet një nga mesfushorët e saj kryesorë. Kombëtarja e Scaloni-t do të duhet të bëjë pa Molinën, të dënuar me shtatë ndeshje pezullim për shkaktimin e sherrit, dhe pa Almadan për dy ndeshje. FIFA, ndërkohë, vendosi ta pezullojë Gavi-n për një ndeshje, i vetmi lojtar i Spanjës që u sanksionua.
