Tensionet kanë qenë të larta në një plazh në Francën veriore pasi policia u përpoq të ndalonte një gomone që transportonte emigrantë të paligjshëm që të nisej përmes Kanalit Anglez drejt Mbretërisë së Bashkuar.
Pamjet video tregojnë burra të veshur me jelekë shpëtimi që hedhin objekte drejt oficerëve duke u përpjekur për t'i mbajtur larg gomones. Forcat e sigurisë më pas përdorën gaz lotsjellës dhe një oficer policie e shpoi gomonen me thikë për ta penguar atë të nisej.
Ky incident ndodhi në një kohë kur Franca dhe Mbretëria e Bashkuar kanë forcuar bashkëpunimin e tyre për të kufizuar kalimin e emigrantëve me anije të vogla.
Sipas asaj njoftoi qeveria franceze, në tre muajt pas marrëveshjes së re me Mbretërinë e Bashkuar, me një vlerë totale prej 660 milionë paundësh, u parandaluan 185 përpjekje për të kaluar Kanalin Anglez me anije të vogla dhe gomone.
Këto incidente përfshijnë parandalimin e nisjeve, konfiskimin e anijeve, motorëve dhe jelekëve të shpëtimit, si dhe arrestimin e personave të dyshuar për përfshirje në rrjete të paligjshme të kontrabandës së emigrantëve. ©LAPSI.al
