Një ngjarje e rëndë ndodhi mbrëmjen e kësaj të hëne në Porto Palermo, ku motori i një skafi shpërtheu dhe si pasojë e kësaj u plagosën katër persona. Pamjet që po shihni tregojnë momentin kur ndodhi shpërthimi.
Si pasojë e kësaj kanë mbetur të plagosur Mateo Merdanaj, Aleks Doda, Xhemal Ismailaj dhe Ardinant Qaziu. Ata kanë pësuar djegie në pjesë të ndryshme të trupit, si pasojë e rënies në kontakt me lëndën djegëse benzinë.
Të dëmtuarit janë transportuar në Spitalin Rajonal Vlorë, për të marrë ndihmë mjekësore më të specializuar. Grupi hetimor nën drejtimin e Prokurorisë vijon verifikimet për sqarimin e plotë të rrethanave të ngjarjes.
