Dy skuadra shqiptare, dy sfida dhe një ëndërr e përbashkët: Europa. Egnatia nis aventurën në fazën e ligës së Conference League përballë Lillestrøm, ndërsa Dinamo pret Pafosin në play-off, me objektivin për të hedhur hapin e fundit drejt fazës së ligës. Europa tashmë nuk është më një vizitë për Egnatian dhe Dinamon. Është një skenë ku të dyja kërkojnë të qëndrojnë.
Në Rrogozhinë, kampionët e Shqipërisë presin Lillestrøm, në një tjetër kapitull të një aventure që ka marrë përmasa historike. Egnatia luan për herë të parë në fazën e ligës së Conference League, por Nevil Dede nuk kërkon vetëm pjesëmarrje. Ai e sheh këtë eksperiencë si një trampolinë drejt objektivave edhe më të mëdha: “Na ka dalë përpara një objektiv akoma më i madh, Europa League. E dimë çfarë mund të bëjmë dhe çfarë lojtarësh kemi. Këto janë armët tona më të forta: kapiteni, eksperienca dhe qetësia e këtij grupi”, shprehet Dede. Dhe kjo është pikërisht pika e fortë e Egnatias: një skuadër që nuk trembet më nga emri i kundërshtarit, sepse ka mësuar të besojë te vetja.
Europa League Qualification
17:00 Kairat Almaty - Anderlecht
18:00 Jagiellonia Bialystok - FC Iberia 1999
18:00 Mjaellby - FC Salzburg
19:00 Beşiktaş - FK Kauno Zalgiris
19:00 CS Universitatea Craiova - Ararat Armenia
19:00 KF Egnatia - Lillestroem
19:00 Lech Poznan - Thun
19:00 Trabzonspor - Ferencvaros
20:00 FK Crvena Zvezda - Viktoria Plzen
20:00 OFI Crete - PFC CSKA Sofia
20:00 St.Truiden - Omonia Nicosia
21:00 Benfica - AGF
Në kohën kur vëmendjen e ka marrë qesja e parave si shpërblim për kualifikimin me Audan, të shpërndarë nga presidenti Bardhi në dhomat e zhveshjes, në Elbasan, Dinamo ka një tjetër mision. Pafos është pengesa që ndan blutë nga një tjetër hap i madh europian. Ilir Daja premton një skuadër që nuk do të presë pasivisht. Me rikthimin e Përndrecës dhe disa alternativa të tjera në dispozicion, Dinamo kërkon të ndërtojë avantazhin që në Elbasan, përpara udhëtimit në Qipro. Vetëm se problemet nuk mungojnë me një gjendje virusale që nuk ka kërsyer askënd: “Mungesa nuk kemi, por kemi një gjendje virusale, që as neve të stafit nuk i kemi shpëtuar. Besoj që nesër do të jenë të gjithë në dispozicion, pavarësisht se ndonjë lojtar mund të jetë me minutazh të limituar, për shkak të viruseve që qarkullojnë në këto ditë vere. Kemi dhe 2-3 lojtarë që kanë qenë me terapi për t’u riaftësuar. Nesër mund t’i menaxhojmë në një mënyrë sa më të mirë të jetë e mundur. Nuk do të rrime në fazën mbrojtëse, do të tentojmë të sulmojmë. Në fund fare mbrojtja më e mirë është sulmi”, deklaron Daja.
Dy trajnerë, dy filozofi të ndryshme, por i njëjti besim: Shqipëria mund të ketë më shumë se një skuadër në Europë. Egnatia dhe Dinamo nuk janë më aty thjesht për të marrë eksperiencë. Janë aty për të konkurruar, për të fituar dhe, mbi të gjitha, për të bindur se futbolli shqiptar mund të ketë vendin e tij edhe përtej kufijve.
Conference League Qualification
18:00 FC Inter Turku - FC Copenhagen
18:00 Lincoln Red Imps FC - Larne
19:00 FC Midtjylland - Rijeka
19:00 FC Nordsjaelland - St. Gallen
19:00 Tromsoe - Brighton
19:30 Klaksvik - Riga FC
19:45 PAOK FC - Brann
20:00 Drita - Inter Club d'Escaldes
20:00 FC Twente - Qarabag FK
20:00 Gornik Zabrze - AS Monaco
20:00 Vikingur Reykjavik - Borac Banja Luka
20:15 Sion - Ajax
20:30 Atalanta - Hapoel Tel Aviv
20:30 Gent - Hibernian
20:30 Lugano - Maccabi Tel Aviv
20:30 Motherwell - Freiburg
20:30 Panathinaikos - Hradec Kralove
20:45 Hearts - Rapid Wien
20:45 Rangers - Jablonec
21:00 FC Dinamo City - Pafos FC
21:00 Getafe - Partizan Beograd
21:00 Hajduk Split - Rakow Czestochowa
21:00 SC Braga - Austria Wien
21:00 Shamrock Rovers - KuPS
