Jennifer Lopez ka folur hapur për periudhën e vështirë që kaloi pas ndarjes nga Ben Affleck, duke treguar se mbështetja e babait të saj e ndihmoi të përballonte një nga momentet më të ndërlikuara të jetës.
Gjatë pjesëmarrjes në podcastin “Films To Be Buried With” të aktorit Brett Goldstein, këngëtarja dhe aktorja 56-vjeçare rrëfeu se ishte duke kaluar një periudhë të vështirë emocionale gjatë divorcit, ndërsa po reflektonte edhe për marrëdhënien me fëmijët e saj.
Lopez tregoi se një moment i veçantë ndodhi teksa po shikonte filmin brazilian “I’m Still Here” së bashku me familjen. E prekur nga historia e filmit, ajo shpërtheu në lot dhe nisi të mendonte për përvojat e saj personale dhe marrëdhënien me babanë.
“Baballarët janë shumë të rëndësishëm”, kujton ajo t’i ketë thënë të atit. Sipas Lopez, ai iu afrua, i kapi fytyrën me duar dhe i tha: “Të dua. Të kam dashur gjithmonë”.
Aktorja tha se ky moment e ndihmoi të shëronte plagë emocionale të së kaluarës dhe ta linte pas një kapitull të vështirë të jetës së saj.
Gjatë intervistës, Lopez foli edhe për qasjen e saj ndaj dashurisë, duke pranuar se dikur e tërhiqnin historitë romantike intensive dhe obsesive, të cilat sot do të konsideroheshin marrëdhënie toksike.
Megjithatë, Jennifer u shpreh optimiste për të ardhmen sentimentale. Në një intervistë të fundit televizive, ajo deklaroi se beson se “dashuria më e madhe” e jetës së saj ende nuk ka ardhur.
“Dashuria ime më e madhe është përpara meje, 100 për qind”, u shpreh Lopez.
