Një ngjarje e pazakontë me fund fatal është regjistruar gjatë orëve të natës në lagjen “8 Shkurti” në Fier. Një person, rreth 40 vjeç ka humbur jetën në tentativë për të vjedhur në një banesë. Viktima, ende e paidentifikuar, dyshohet se ka mbetur i bllokuar në një nga dritaret e shtëpisë gjatë përpjekjes për t’u futur brenda. Sipas dëshmisë së Nikollaq Lules, vëllait të kryefamiljarit, banesa trekatëshe i përket Uan Lules, i cili prej rreth një muaji ndodhet në Greqi pranë familjarëve të tij. Personi që kujdeset për shtëpinë e ka gjetur të pajetë të dyshuarin në dritaren e banesës dhe ka njoftuar autoritetet.
Trupi i pajetë është transportuar drejt morgut të Fierit. Policia po vijon hetimet për të sqaruar plotësisht rrethanat e ngjarjes.
