Një 52-vjeçar është vënë në prangat e policisë në Poliçan pasi theu masën e sigurisë ‘arrest në shtëpi’ dhe shiti doza kokaine. Gjithashtu, i arrestuari posedonte mjete prerëse dhe municion.
Policia ka njoftuar se janë sekuestruar sasi të lëndëve narkotike kokainë dhe cannabis sativa, 2 mjete prerëse dhe fishekë luftarak. Ndërkaq, nga verifikimet e mëtejshme rezultoi se ai ishte me masë sigurie “Arrest në shtëpi”, për veprimtari kriminale në fushën e narkotikëve. Materialet procedurale iu referuan Prokurorisë së Beratit, për veprime të mëtejshme.
