Hailee Steinfeld është bërë nënë për herë të parë. Aktorja dhe këngëtarja ka mirëpritur një vajzë së bashku me bashkëshortin e saj, Josh Allen.
Lajmin e bukur ajo e ndau përmes një postimi në platformën Substack, të titulluar “Special delivery…”.
“Vajza jonë ka ardhur në jetë! Ndihemi jashtëzakonisht mirënjohës dhe të bekuar dhe po shijojmë këto momente të para. Faleminderit shumë për dashurinë dhe urimet,” shkroi ajo, duke e mbyllur mesazhin me “Me dashuri, Hailee dhe Josh”.
Çifti kishte njoftuar në dhjetor të vitit 2025 se po prisnin fëmijën e parë, përmes një videoje në rrjetet sociale, ku aktorja zbuloi barkun e rrumbullakosur ndërsa Allen i dhuronte një puthje.
Dyshimet për shtatzëninë nisën një muaj më herët, kur Steinfeld u shfaq me një fustan që mbulonte barkun gjatë një eventi publik.
Aktorja e nominuar për Oscar e tregoi më pas hapur shtatzëninë gjatë paraqitjes së saj në Golden Globe Awards 2026, ku u shfaq me një fustan rozë elegant dhe e cilësoi mbrëmjen si një dalje me “shoqëruesin e saj më të ri”.
Hailee Steinfeld dhe Josh Allen janë në një lidhje që nga viti 2023. Ata u fejuan në vitin 2024 dhe u martuan në maj të vitit 2025 në Montecito, Kaliforni.
Në një intervistë të mëparshme, Steinfeld ishte shprehur se dëshironte të krijonte familje me Allen, duke e quajtur atë “personin e saj” dhe duke theksuar se ndihej e plotësuar në krah të tij.
