Një minator mbeti i plagosur pas një aksidenti në punë. Gjatë turnit të natës në minierën e bakrit në Spaç, minatori 48-vjeçar Edmond Gjikolaj mbeti i plagosur rëndë si pasojë e shkëputjes së një masivi shkëmbor. Menjëherë pas aksidentit, Gjikolaj u transportua me urgjencë drejt Spitalit të Traumës në Tiranë, ku fatmirësisht mësohet se ndodhet jashtë rrezikut për jetën.
Ndërkohë uniformat blu dhe Inspektoriati i Punës kanë nisur hetimet në terren për të verifikuar nëse janë respektuar rregullat e sigurisë teknike në galeritë e kompanisë "Tete Albania". Ky proces po mbikëqyret nga Prokuroria për të përcaktuar shkaqet e plota të ngjarjes dhe përgjegjësinë e mundshme të subjektit privat.
