Aktori Corey Parker, i njohur për rolin e tij në serialin Will & Grace, ka ndërruar jetë në moshën 60-vjeçare.
Lajmi për vdekjen e tij u konfirmua nga halla e aktorit, Emily Parker, e cila bëri të ditur se ai ndërroi jetë të enjten në Memphis, Tennessee, pas një beteje me kancerin, raportoi TMZ.
Fansat e serialit mund ta kujtojnë Parker për rolin e Josh, të dashurin e personazhit Grace, të interpretuar nga Debra Messing. Ai u shfaq në pesë episode të sitcom-it të njohur.
Parker u bë një fytyrë e njohur në Hollywood gjatë viteve 1980, pasi interpretoi personazhin Pete në filmin horror Friday the 13th Part V: A New Beginning.
Gjatë karrierës së tij ai mori pjesë në disa filma dhe seriale të njohura, përfshirë:Biloxi Blues, White Palace, The Love Boat: The Next Wave, Nashville dhe Blue Skies.
Ai gjithashtu luajti përkrah aktores Kim Basinger në dramën romantike 9½ Weeks.
