Kryeministri Edi Rama ka reaguar për protestën e opozitës duke ironizuar situatën. Rama ka postuar në rrjetin X foto nga sulmet amerikane në Iran dhe një tjetër me një kosh që digjet (pamje nga protesta e sotme e opozitës), duke shkruar:
“Shqipëria me botën e lirë kundër mullahëve të Teheranit, opozita shqiptare me plehrat kundër qytetarëve të Tiranës”.
Ndërkohë qytetarët përballen me gaz lotsjellës dhe hedhje uji nga policia. Një protestues ka humbur ndjenjat pas hedhjes së gazit. Të tjerë tentuan të çajnë kordonin e policisë, e cila kishte vendosur barrikada dhe kishte angazhuar Forcat Shqiponja dhe Forcat e Ndërhyrjes së Shpejtë. Protestuesit po zhvendosen para policisë së shtetit, pas 30 minutave që qëndruan në sheshin para kryeministrisë
