Policia Kufitare në Morinë ka arrestuar një shtetas turk të shpallur në kërkim ndërkombëtar, me qëllim ekstradimin e tij. Arrestimi u bë në hyrje të territorit shqiptar, gjatë kontrolleve të përzgjedhura në kufi, në bashkëpunim me Drejtorinë Vendore të Policisë Kukës.
I ndaluari është V.B., 31 vjeç, banues në Stamboll. Nga verifikimet dhe informacioni i shkëmbyer me Interpol Tiranën rezultoi se ndaj tij Gjykata e Vjenës kishte caktuar masën e sigurisë “Arrest në burg” për veprën penale “Prodhim dhe shitje e narkotikëve”.
