Pas dy orësh gazetari dhe ish-bashkëshorti i Belinda Ballukut, Sokol Balla ka lënë ambjentet e SPAK. Gazetari dhe drejtori i “ABC News” u paraqit sot në ambientet e Prokurorisë së Posaçme (SPAK), ku u mor në pyetje në kuadër të hetimeve që po zhvillohen ndaj ish-bashkëshortes së tij, Belinda Balluku. Sipas burimeve, Balla është thirrur nga prokurori Dritan Prençi dhe u pyet si person që ka dijeni mbi rrethanat e dosjes “Balluku”.
Edhe pse çifti ka qenë i divorcuar prej vitesh, marrëdhënia e tyre ka vijuar në forma të ndryshme. Ndërkohë, hetimet e SPAK për pasurinë e Ballukut po thellohen çdo ditë, përfshirë verifikimet mbi transaksione, udhëtime dhe pagesa të ndryshme, si dhe kontrollin e kompanive që kanë përfituar tendera nën administrimin e saj.
[video width="848" height="478" mp4="https://cdnimpuls.com/lapsi.al/wp-content/uploads/2026/02/815a28b0-0f25-46cd-96d9-d863030fb823.mp4"][/video]
