Flash

Një vit nga përfundimi i punimeve/ Çahet rruga që lidh Lumin e Vlorës me Himarën

Lapsi.al 22 February 2026
Një vit nga përfundimi i punimeve/ Çahet rruga që lidh

Një segment prej rreth 400 metrash në aksin rrugor Vlahinë–Poçëm me gjatësi totale 15 kilometra është dëmtuar rëndë vetëm një vit pas përfundimit të punimeve. Problemi është evidentuar pranë fshatit Karbonar, ku rruga tashmë paraqet rrezik serioz për qarkullimin e mjeteve dhe këmbësorëve.

Në terren duken qartë shkarjet e tokës, sidomos në zonën pranë Vjosa, çka dyshohet se ka ndikuar drejtpërdrejt në amortizimin e këtij segmenti. Asfalti është dëmtuar pothuajse totalisht, ndërsa në disa pjesë janë krijuar çarje dhe deformime të theksuara.

Situata bëhet edhe më alarmante pasi një banesë, e pozicionuar në kodër mbi këtë segment rrugor, rrezikon shembjen për shkak të lëvizjes së dheut. Banorët shprehen të shqetësuar dhe thonë se dëmtimet janë përkeqësuar nga dita në ditë.

Sipas tyre, është e papranueshme që një investim i përfunduar prej vetëm një viti të degradojë në këtë mënyrë, duke vënë në rrezik jetën e qytetarëve dhe duke shkaktuar pasiguri për qarkullimin.

Banorët kërkojnë ndërhyrje të menjëhershme nga institucionet përgjegjëse për stabilizimin e terrenit, ndërtimin e mureve mbajtëse, sistemimin e skarpateve dhe rehabilitimin e plotë të segmentit të dëmtuar, si dhe masa konkrete për mbrojtjen e banesave pranë zonës.

Ndërkohë, deri në marrjen e masave, drejtuesit e mjeteve këshillohen të tregojnë kujdes të shtuar gjatë kalimit në këtë aks rrugor.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI