George Clooney ka ripërsëritur edhe një herë pretendimin e tij se ai dhe bashkëshortja Amal Clooney nuk kanë pasur asnjë debat gjatë më shumë se një dekade martesë.
Tre vjet pasi e tha për herë të parë në “CBS Mornings”, aktori fitues i Oscar-it e përsëriti deklaratën në një intervistë për Los Angeles Times. Kur gazetari e quajti këtë “të vështirë për t’u besuar” pas 11 vitesh martesë, Clooney mbrojti qëndrimin e tij.
“Unë isha 52 vjeç,” shpjegoi aktori i “Ocean’s Eleven”. “Ka një arsye pse tarifat e sigurimit për moshat 16–25 janë kaq të larta: agresioni. Unë nuk kisha ndërmend të martohesha sërish, por u dashurova marrëzisht me personin që e ndryshoi këtë.”
Clooney, i cili ka binjakët 8-vjeçarë Ella dhe Alexander, tha se fillimisht nuk donte fëmijë, por gjithçka ndryshoi kur njohu Amal.
“Jam shumë më i sigurt në vete dhe kam më pak dëshirë të fitoj debatet,” tha ai. “Kur je i ri, përpiqesh të fitosh gjithçka.”
Aktori theksoi se nuk po “lëshon pe” dhe se pretendimi i tij është i vërtetë. “Nice try,” i tha ai gazetarit. “Do të më fusësh në telashe me gruan time.”
Kur deklarata e tij u bë virale për herë të parë në vitin 2022, vetë Amal kishte pranuar se mungesa e debateve ishte “çmenduri” për të afërmit e tyre. “Kam një kushëri që sa herë na sheh, pyet: ‘A jeni grindur ndonjëherë?’ para se të thotë ‘përshëndetje’,” kishte treguar ajo.
Së fundmi, tema u prek edhe në podcast-in “New Heights”, ku Travis Kelce e pyeti Clooney-n për këtë deklaratë.
Clooney mohoi se po gënjente, ndërsa Kelce u përgjigj me shaka se as ai nuk ka pasur debate me Taylor Swift. Motra e Kelce, Kylie, e quajti komentin sarkastik, por ai këmbënguli.
George dhe Amal Clooney nisën lidhjen në vitin 2013, u fejuan një vit më pas dhe u martuan në Itali në vitin 2014.
