Kryetari i Partisë Demokratike Sali Berisha bëri akuza të forta gjatë fjalës së tij në Kuvend kur foli në mocionin me debat për zgjedhjet e 11 majit. Berisha tha se ministri i Mbrojtjes Pirro Vengu nuk mund të shkelë në dy vende anëtare të NATO-s, por nuk dha emrat e këtyre vendeve apo arsyet.
“Ku është ky Pirro Vengu? A e dini ju se në dy shtete të NATO-s nuk shkel ministri juaj? Që shkruante drejtori i arkivit se Pirro Vengu, kur e akuzova për dezertor, është ortodoks çam. Ai është zagoriot dhe ka marrë shtetësinë greke dhe duhet t’i përgjigjet shtetësisë” – tha Berisha.
Gjatë kohës që punonte si këshilltar i ministrisë së Jashtme Vengu u thirr nga Greqia për të kryer shërbimin ushtarak për shkak të nënshtetësisë greke. ©LAPSI.al
