Të paktën 36 persona humbën jetën dhe 279 të tjerë rezultojnë të zhdukur në një zjarr masiv që shpërtheu këtë të mërkurë, në një kompleks banimi në Hong Kong.
29 persona janë shtruar në spital, përfshirë 7 në gjendje kritike, thanë autoritetet.
Re të dendura tymi të zi mbështjellin të paktën 5 nga 8 kullat e banimit në kompleksin Wang Fuk Court, të vendosur në distriktin Tai Po në veri të Hong Kongut. U dëgjuan kërcitjeje të shumta, ndoshta nga skelat e bambusë që digjeshin rreth ndërtesave dhe flakë masive që ngrihen lart në qiell.
Një zjarrfikës 37-vjeçar, me të cilin ishin humbur kontaktet për rreth 30 minuta, u gjet me djegie në fytyrë dhe u shpall i vdekur me të mbërritur në spital. Autoritetet nuk kanë bërë komente mbi shkakun e mundshëm të zjarrit.
Autoritetet e kanë klasifikuar katastrofën si kategoria 5, niveli më i lartë në shkallën e alarmit. Presidenti kinez Xi Jinping bëri thirrje që të bëhen të gjitha përpjekjet për të kufizuar numrin e viktimave dhe humbjen e jetëve.
Oficerët e policisë në vendngjarje i thanë AFP-së se nuk mund të konfirmonin nëse kishte ende njerëz brenda pasi zjarrfikësit nuk mund të hyjnë në ndërtesa.
Teksa bie nata, zjarrfikësit vazhdojnë të luftojnë me flakët, të cilat nuk tregonin shenja qetësimi. Besohet se flakët kanë prekur mbi 2 mijë apartamente ndërsa në bllokun e banimit jetonin mbi 6400 persona. ©LAPSI.al
