Flash

Protesta e pensionistëve para kuvendit/ Arlind Qori: Rama-Berisha në konsensus!

Lapsi.al 30 October 2025
Protesta e pensionistëve para kuvendit/ Arlind Qori: Rama-Berisha në

Pensionistë dhe mbështetës të Lëvizjes Bashkë u mblodhën para parlamentit në protestë për rritjen e pensioneve, ndërkohë që në sallë diskutohej për kërkesën për dorëheqje të Niko Peleshit. Pensionistët i kujtuan kryeministrit Rama premtimin për rritjen 400 euro të pensionit mesatar, ndërkohë që kreu i Lëvizjes Bashkë, Arlind Qori tha se kjo qeveri di vetëm t’i vjedhë njerëzit e ndershëm.

“Kjo qeveri dhe ky shtet, për punëtorët, për njerëzit e punës, për njerëzit e ndershëm, nuk ka as sy, nuk ka as veshë, nuk ka as gojë, por ka vetëm duar për të vjedhur. Ka vetëm duar për të vjedhur hakun e punës, për të vjedhur pensionet, për të vjedhur të drejtat elementare, prandaj ne na duhet bashkohemi që të kërkojmë mbrapsht çdo gjë që na takon”.

Ky institucion përpara dy vitesh e gjysëm rriti me 100% si në asnjë vend të botës, si në asnjë kohë të historisë së njerëzimit, pagat e veta me konsensus 100% me votat e Edi Ramës dhe të Sali Berishës. Kanë rritur me 100% pagat e deputetëve, pagat e ministrave, pagën e kryeministrit, pagën e presidentit të republikës” tha Qori.

Kreu i Lëvizjes Bashkë denoncoi edhe sinjalet e dy partive të mëdha të drejtuara nga Edi Rama dhe Sali Berisha për një consensus të ri që paralajmëron uljen e numrit të deputetëve dhe mbylljen e hapësirave për partitë e reja.

“Këta parti, kanë arritur konsensus prap 100% ditët e fundit, se kanë frikë nga Lëvizja Bashkë, kanë frikë nga një parti e re dhe e fuqishme si Lëvizja Bashkë dhe kujtojnë të shkretët se nëpërmjet sajesave ligjore do të na përjashtojnë nga jeta parlamentare e vendit por unë e shoh përditë se Lëvizja Bashkë fuqizohet çdo ditë dhe ne do të marrim pjesë në jetën parlamentare dhe do të përfaqësojmë popullin shqiptar” tha Qori.

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI