Përpara çdo vizite jashtë vendit, zyrtarëve të lartë u jepet nga stafi i tyre një përshkrim i shkurtër me foto i njerëzve që do të takojnë. Kjo ndodh në rastet kur ata janë pak të njohur publikisht dhe me qëllim që të mos ndodhë ndonjë situatë e pakëndshme gjatë takimeve që zyrtari i lartë të mos e njohë personin që do të takojë.
Por këto dokumente, është e mira të mbahen të fshehta nga sytë e njerëzve të tjerë. Në një rast, kur kancelarja gjermane Angela Merkel tregoi gabimisht njërën prek këtyre dokumenteve para një takimi në selinë e OKB-së, u kryqëzua nga shtypi vendas.
Këtë të të premte, këtë “gabim” e ka bërë zëvendëskryeministrja Belinda Balluku gjatë videos së famshme të udhëtimit nga Zyrihu në Bernë të Zvicrës. Atje do të takonte, Ministrin Federal të Zvicrës për Transportin, Energjinë dhe Mjedisin, Albert Rösti. Dhe gjatë rrugës Balluku duket se po studionte CV-në e homologut të saj, siç duket edhe nga letrat që mban mbi tavolinë. ©LAPSI.al
