Gabriella Brooks ka konfirmuar se ajo dhe Liam Hemsworth janë të fejuar me një postim në Instagram, më 12 shtator.
Në postimin e saj, Brooks ka shpërndarë disa imazhe, përfshirë një ku ajo është mbështetur në krahët e Hemsworth, duke treguar unazën dhe një tjetër me pamje të detit. Modelja ka shoqëruar postimin me një emoji të bardhë në përshkrim.
[embed]https://www.instagram.com/p/DOfi9I8iJfc/[/embed]
Ky lajm ka ardhur pas disa spekulimeve mbi një fejesë të mundshme, pasi muajin e kaluar Brooks ishte parë duke mbajtur një unazë të madhe diamanti, gjatë një shëtitjeje në Ibiza, Spanjë.
Çifti Hemsworth dhe Brooks u panë së bashku në vitin 2019, kur ata morën pjesë në një drekë me prindërit e aktorit, Craig dhe Leonie Hemsworth, në Byron Bay të Australisë. Ata e bënë marrëdhënien e tyre publike në vitin 2021, duke postuar një foto nga një ngjarje në Sydney, ku ishin të pranishëm edhe vëllezërit Hemsworth dhe bashkëshortet e tyre.
Kjo do të jetë martesa e dytë për Liam Hemsworth, i cili ishte i martuar me Miley Cyrus në vitin 2018. Martesa e tyre përfundoi me divorc në vitin 2020, pas një periudhe të shkurtër bashkëshortore.
