Miranda Kerr ka ndarë për herë të parë disa detaje të reja rreth ndarjes së ish-bashkëshortit të saj, Orlando Bloom, nga këngëtarja Katy Perry.
Supermodelja australiane, e cila ishte e martuar me Bloom nga viti 2010 deri më 2013, tha se çifti u nda në mënyrë miqësore dhe pa drama.
E ftuar në emisionin “The Kyle and Jackie O Show”, Kerr theksoi gjithashtu rëndësinë e bashkëpunimit të shëndetshëm kur në mes ka fëmijë.
“Kur ke fëmijë, nuk duhet të ketë vend për konflikte. Nevojat e fëmijës duhet të jenë gjithmonë prioritet dhe gjithçka duhet të zhvillohet në harmoni,”u shpreh ajo.
Miranda dhe Orlando kanë një djalë së bashku, Flynn, i cili tashmë është 14 vjeç. Ndërsa Bloom dhe Katy kanë një vajzë, Daisy, 5 vjeç, për të cilën bashkëprindërojnë.
“Ata do të jenë pjesë e jetës tënde përgjithmonë, ndaj është e rëndësishme të ketë paqe mes jush. Nëse mbart armiqësi, vetëm vetes i bën dëm. Falja sjell paqe dhe lehtësi në shpirt,” shtoi Kerr.
Modeljatregoi se ka marrëdhënie shumë të mirë me Perry dhe se të tre ishin së bashku fundjavën e kaluar për ditëlindjen e vajzës së tyre, Daisy.
“I dua të dy. Ishim bashkë për ditëlindjen e Daisy-t dhe ishte një moment shumë i bukur. Madje bëmë një foto së bashku, Katy e dërgoi dhe bëri shaka që në foto ishin Orlando dhe dy ish-at e tij në krah. Por të gjithë kishim një buzëqeshje të madhe në fytyrë – jemi një familje e madhe dhe e lumtur, gjithmonë,” rrëfeu Kerr.
Ajo e përshkroi Katy Perry si “të mrekullueshme” dhe përsëriti se ndjen dashuri për të dy.
Lajmi për ndarjen e aktorit dhe artistes u konfirmua në qershor 2025, pas gati një dekade së bashku.
Ata u njohën në vitin 2016 dhe u fejuan në Shën Valentinin e vitit 2019, por nuk u kurorëzuan kurrë në martesë.
Pak ditë pas lajmit, ata publikuan një deklaratë të përbashkët:
“Pas muajsh reflektimi dhe diskutimesh, Orlando dhe Katy kanë vendosur të kalojnë marrëdhënien e tyre në një formë të re – të përkushtuar ndaj bashkëprindërimit. Prioriteti i tyre do të mbetet gjithmonë rritja e vajzës së tyre me dashuri, stabilitet dhe respekt të ndërsjellë.”
Ndërkohë, Miranda është e martuar me Evan Spiegel, bashkëthemeluesin dhe CEO-n e Snapchat, që nga viti 2017. Çifti ka tre djem: Hart (7 vjeç), Myles (5 vjeç) dhe Pierre (1 vjeç).
