Sydney Sweeney dhe menaxheri i famshëm muzikor Scooter Braun huhet se po takohen që prej fillimit të kësaj vere.
“Sydney sapo ka mbyllur një marrëdhënie dhe po bën atë që shumica e vajzave në të 20-at bëjnë – po takon dikë të ri,” – tha një burim për People.
Spekulimet për romancën nisën që në qershor, kur Sweeney dhe Braun u panë së bashku në dasmën e miliarderit Jeff Bezos dhe Lauren Sánchez në Venecia, Itali. Madje, një video në TikTok ku ata shfaqeshin duke ecur në rrugët e qytetit me modelen Amèlie Tremblay i bëri thashethemet të shpërthenin edhe më shumë.
Para lidhjes me Braun, aktorja ishte e fejuar me producentin Jonathan Davino (42 vjeç). Dyshja u ndanë këtë vit, pas shtatë vitesh marrëdhënie. Sipas burimeve pranë aktores, marrëdhënia kishte kohë që ishte ftohur dhe ajo nuk ndihej gati të martohej.
Gjithashtu, Sweeney u aludua për një romancë me partnerin e saj në filmin Anyone But You, Glen Powell, por të dy hodhën poshtë spekulimet.
Nga ana tjetër, Braun ishte i martuar me aktivisten Yael Cohen nga viti 2014 deri në ndarjen e tyre në 2021. Ata kanë tre fëmijë: Jagger (10), Levi (8) dhe Hart (6).
