Lizzo, ka folur për transformimin e saj fizik dhe ka ndarë qëndrimin e saj të fuqishëm ndaj ndryshimeve trupore dhe komenteve nga publiku.
Në një intervistë për Women’s Health, artistja tha:
“Më pëlqen si dukem tani. Ende vesh rroba plus-size. Kam të njëjtat rrudha, të njëjtin bark, të njëjtat kofshë – thjesht jam një version më i vogël i vetes.”
Lizzo pranoi se transformimi i saj është proces në vazhdim, duke shtuar:
“Është në rregull të humbasësh peshë. Është në rregull të shtosh peshë pas humbjes. Ajo që nuk do të bëni është të më turpëroni nëse trupi im ndryshon përsëri.”
Pas spekulimeve në rrjet për përdorimin e ilaçit për dobësim Ozempic apo operacioneve plastike, Lizzo i mohoi kategorikisht, por theksoi se nuk duhet të ketë turp për ata që zgjedhin këto rrugë.
“Edhe sikur ta kisha bërë me Ozempic apo kirurgji, do të isha po aq krenare. Sepse kjo punë është e vështirë. Të ekzistosh në një trup të madh nuk është e lehtë.”
Ajo tregoi se e ka provuar për pak kohë Ozempic, por e ndërpreu sepse nuk i dha rezultatet që priste. Në podcast-in “Just Trish”, tha:
“Ozempic funksionon sepse të bën të hash më pak. Por nëse mund ta bësh këtë vetë me disiplinë, është njësoj.”
Në një postim të fundit në Instagram, Lizzo reagoi ndaj mediave që spekulonin për përdorimin e barnave, duke treguar “të vërtetën”:
“Ushtrohem 3 herë në javë, bëj sauna dhe kardio çdo ditë, kam punësuar një kuzhinier që më ndihmon të ndjek dietën, nuk pi më Starbucks të ëmbla, as pije me sheqer dhe as patatina... Madje ndalova dhe alkoolin për një kohë të gjatë (por tani po pi pak sepse e kam fituar këtë të drejtë!).”
