Khloé Kardashian ka vendosur të jetë më e sinqertë me veten dhe ndjekësit e saj.
Ylli i The Kardashians, gjatë episodit të fundit të podcast-it të saj "Khloé in Wonderland", të publikuar më 17 korrik, pranoi se dikur nuk guxonte të postonte asnjë foto pa përdorur Photoshop-in – por tashmë ajo thotë se kjo periudhë ka përfunduar.
“Nuk i bëj photoshop më fotot që postoj,” u shpreh Khloé. “Por po, ka pasur një kohë që e bëja shumë. Ishte një periudhë ku isha rreth njerëzve që më bënin të ndihesha sikur më duhej ta bëja. E gjithë epoka ishte e tillë – të gjithë përdornin filtra.”
Ajo pranoi se shpesh nuk ndjehej mirë me veten dhe kërkonte një filtër për çdo foto.
“Kemi qenë të zhytur në atë mënyrë jetese me filtra. Kishim harruar si dukemi realisht,” tha Kardashian, duke shtuar se e preferon më shumë veten në video sesa në foto statike.
Khloé u tregua e sinqertë edhe për mënyrën se si realizon fotot sot për rrjetet sociale:
“Më pëlqen ndriçimi i mirë. Mund të bëj shumë foto për të zgjedhur një që më pëlqen, por nuk ka më nevojë për Photoshop në çdo imazh.”
Në reflektim të periudhës së kaluar, ajo u shpreh se ndonjëherë dukej si “personazh vizatimor” në fotot e redaktuara, dhe kjo sot i duket turpëruese:
“Më vjen keq që kam menduar se duhet të dukesha ashtu. Isha rreth njerëzve që e bënin të gjithë këtë, dhe kjo ndikoi në mënyrën se si e perceptoja veten.”
