Harrison Ford është nominuar për herë të parë për një Çmim Emmy për rolin e tij si terapist i moshuar Dr. Paul Rhoades në serialin “Shrinking”.
Ford ka marrë një nominë për çmimin "Aktori i dytë më i mirë në një seri komedi", së bashku me kolegun e tij të serialit “Shrinking”, Michael Urie, Ike Barinholtz për rolin në “The Studio”, Colman Domingo për “The Four Seasons”, Jeff Hiller për “Somebody Somewhere”, Ebon Moss-Bachrach për “The Bear” dhe Bowen Yang për “Saturday Night Live”.
“Shrinking” tregon historinë e Dr. Jimmy Laird, një psikiatër që po përjeton dhimbjen e humbjes dhe që vendos të përfshihet në jetën e pacientëve të tij. Në sezonin e dytë, fansat panë Dr. Rhoades, kolegun e Jimmy-t, të përballej me mortalitetin e tij, ndërkohë që lufton me diagnozën e Parkinson-it. Po ashtu, ai zhvillon një romancë me mjeken e tij, Julie (Wendie Malick).
Edhe pse kjo është hera e parë që Ford nominohet për një Emmy, ai ka marrë disa nominime për çmime të tjera gjatë karrierës së tij më shumë se 60-vjeçare. Në vitin 1986, ai u nominua për çmimin e “Aktorit më të Mirë” në Oscars për rolin në “Witness”. Po në atë vit, ai u nominua edhe për një BAFTA.
Ai gjithashtu është nominuar pesë herë për Çmimet Golden Globe dhe fitoi Çmimin Cecil B. DeMille në vitin 2001 për “kontributet e shquara në botën e argëtimit”.
Ford filloi karrierën e tij në vitet ‘60, por fama e tij u rrit në vitet ‘70 me disa role ikonikë, duke përfshirë Bob Falfa në “American Graffiti” (1973) dhe Han Solo në “Star Wars” (1977).
