Kanye West ka reaguar ndaj padisë së ish-asistentës së tij, Lauren Pisciotta, e cila e akuzon reperin për sulm seksual dhe abuzim.
Në një deklaratë për Page Six, një përfaqësues i Yeezy ka cilësuar akuzat e Pisciottës si “absurde dhe të pabesueshme.”
“Padia e amenduar është versioni i katërt që ajo ka paraqitur, dhe çdo rishikim është më kontradiktor se i mëparshmi. Ajo ka shpikur histori që duken si fiksion fantastiko-shkencor,” tha përfaqësuesi i Yeezy.
Ai shtoi se ata janë të gatshëm të përballen me akuzat në gjykatë dhe besojnë se do të dalin të pafajshëm.
Përfaqësuesi i Kanye West, Milo Yiannopoulos, gjithashtu ka sulmuar Pisciottën, duke e quajtur akuzën një “absurditet të pashembullt.” Ai tha se ajo ka zgjedhur “viktimën e gabuar,” pasi Kanye është një person që nuk ka pasur asnjëherë probleme ligjore dhe është kundër dhunës.
Nga ana tjetër, avokatja e Pisciottës, Lisa Bloom, e ka quajtur reagimin e Kanye-s një “sulm të pavërtetë dhe shpifje.” Ajo theksoi se Kanye vetë ka pranuar disa nga akuzat dhe se kjo do të shkatërrojë mbrojtjen e tij në gjykatë.
Në padi, Pisciotta pretendon se Kanye e ka sulmuar seksualisht gjatë një udhëtimi biznesi në San Francisco dhe ka bërë komente të pahijshme për trupin e saj, duke e detyruar të marrë pjesë në aktivitete seksuale. Ajo gjithashtu ka akuzuar West për një sërë veprimesh të tjera të abuzimit.
