Pamela Anderson dhe Liam Neeson duket se po shijojnë një lidhje romantike larg zhurmës së Hollywood-it, duke kaluar kohë së bashku në shtëpinë e modeles në Kanada, sipas një raporti të fundit nga "Daily Mail".
“Pam gatuan dhe merret me kopshtari në shtëpi. Është një mënyrë jetese e shëndetshme dhe shumë larg glamurit të Hollywood-it, dhe Liam e adhuron këtë,” tha një burim pranë çiftit. “Ai përfshihet realisht në aktivitetet e saj të përditshme.”
Sipas të njëjtit burim, ata kanë qenë duke u takuar prej kohësh, megjithëse një raport i "People" thekson se lidhja e tyre është ende “në fazat e para”.
Romanca e tyre thuhet se nisi gjatë xhirimeve të filmit “Naked Gun” pranverën e kaluar në Atlanta. “Që kur u zgjodh për rolin, Pamela e kishte mendjen te Liam,” tha një burim për "Page Six". “Ajo gjithmonë e ka gjetur tërheqës dhe interesant.”
Pamela thuhet se i ka treguar miqve se aktori 73-vjeçar është i dashuruar pas saj dhe se bën gjëra të ëmbla për të – si t’i dërgojë lule apo të kalojë kohë me djemtë dhe qentë e saj.
Edhe vetë Neeson nuk i ka kursyer komplimentet. Në tetor të vitit të kaluar, ai e quajti Anderson “të mrekullueshme për të punuar” dhe pranoi se ishte “i dashuruar marrëzisht” me të. Nga ana e saj, aktorja e “Baywatch” e përshkroi aktorin si “një zotëri i vërtetë” që “nxjerr më të mirën nga ti me respekt dhe mirësi.”
Në promovimet e fundit për filmin në Londër dhe Nju Jork, çifti u shfaq përkrah djemve të tyre, duke pozuar në tapetin e kuq. Madje, Pamela i dha një puthje në faqe Liam-it gjatë premierës në Londër, një gjest që ngjalli sërish thashethemet për lidhjen e tyre.
