Flash

“Revanshi 2”/ SPAK çon për gjykim Astrit Avdylin, Emiljano Shullazin, Leonard Dukën

Lapsi.al 28 July 2025
“Revanshi 2”/ SPAK çon për gjykim Astrit Avdylin,

Prokuroria e Posaçme kundër Korrupsionit dhe Krimit të Organizuar ka mbyllur hetimet dhe ka çuar për gjykim dosjen “Revanshi 2”, ku janë të pandehur emra si: Astrit Avdyli, Emiljano Shullazi, Leonard Duka dhe të tjerë.

Dosja i ka kaluar Gjykatës së Posaçme, e cila do të gjykojë 14 të pandehurit e kësaj dosjeje, Astrit Avdyli, Emiljano Shullazi, Naim Stafuka, Blerim Abazi, Besian Xhixha, Enver Diva, Robert Laçi, Leonard Duka, Drianto Bardhi, Gjergji Cukali, Viktor Imeraj, Satilno Basho, Xhelil Rraja dhe Miri Bruli, të akuzuar për një sërë veprash penale.

Ata akuzohen për një sërë veprash të rënda penale, përfshirë: sigurimi i kushteve dhe mjeteve për të kryer vrasje, pjesëmarrje në grup të strukturuar kriminal dhe organizatë kriminale, mbajtje pa leje e armëve dhe municioneve, ndihmë për kalim të paligjshëm të kufirit, futje e sendeve të ndaluara në burgje, goditje ndaj pjesëtarëve të familjes së personave me detyrë shtetërore.

Përmes operacionit “Revanshi” në maj 2024, u shkatërruan 7 grupe të ndryshme kriminale, në akuzë për vrasje, sigurim kushtesh për vrasje, organizata kriminale, grup të strukturuar kriminal, etj. Grupet kriminale vepronin në një territor të gjerë, si Lezha, Durrësi, Kruja, Tirana, Vlora dhe Burreli.

Gjykata urdhëroi gjithashtu formimin e fashikullit të gjykimit dhe depozitimin e vendimit në sekretarinë e gjykatës brenda 10 ditëve, si dhe bëri me dije se vendimi nuk i nënshtrohet ankimit.

Të këshilluara

Delvina nuk gjen qetësi, rindizet zjarri

Është riaktivizuar sërish vatra e zjarrit pranë fshatit Kalasë në Delvinë. Terreni i vështirë e bën problematike ndërhyrjen nga toka. Ndërkohë siç raportoi g...

15:05

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

18°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

Me sytë katër

PAPARAZZI