Prej një viti disa gjykata, përfshirë atë të Bolzanos në Itali, po kërkonin një shqiptar 41-vjeçar, i cili dyshohet se ka kryer disa grabitje bankash.
Ai u arrestua më në fund në resortin turistik në Cervia. Për personin në fjalë, Mariglen Bequai (41 vjeç), janë lëshuar urdhër-arreste nga gjykata e Trevisos dhe ajo e Bolzanos.
Gjatë një kontrolli në Cervia, në provincën Ravenna, policia hasi në të shumëkërkuarin.
Sipas mediave, ai dyshohet se në të kaluarën ka kryer disa vepra kundër pronës dhe se, së bashku me një bandë, ka grabitur dy banka në Vittorio Veneto dhe Meduna di Livenza.
Ai u arrestua dhe u dërgua në burgun e Ravennës.
