Prokuroria e Posaçme ka dhënë pretencën për të pandehurit, pjesë e dosjes “Flakë në det”, të cilët akuzohen për trafik ndërkombëtar droge.
Në total, SPAK kërkon 168 vite burg për ‘baronin e drogës’ Gëzim Çela dhe 12 të tjerë
Prokuroria e Posaçme kërkon që anëtarët e grupit të trafikimit të lëndëve narkotike të shpallen fajtorë për veprat penale “Trafikimi i narkotikëve”, e kryer në bashkëpunim në kuadër të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
Sipas SPAK, grupi i strukturuar kriminal drejtohej nga Gëzim Çela dhe Arlind Ismajlukaj, ndërsa pjesëtarët e tjerë të bandës kanë marrë përsipër organizimin dhe trafikimin në sasi të mëdha të lëndëve narkotike
Seanca e ardhshme do të zhvillohet datë 27 qeshor ora 11:30, ku do të bëhet mbrojtja e të pandehurve.
Pretenca e SPAK:
Arlind Isamailukaj 15 vite burg me gjykim të shkurtuar më 10 vite burg
Gzim Cela 16 vite burg / 10 vite e 8 muaj burg
Nerim Cela 14 vite burg / 9 vite e 4 muaj burg
Armando Mema 12 vite burg / 8 vite burg
Dritan Mataj 12 vite burg / 8 vite burg
Arben Dalipaj 14 vite burg/ 9 vite e 4 muaj burg
Besnik Brokeri 12 vite burg / 8 vite burg
Alket alis Dritan Deda 12 vite burg / 8 vite burg
Selami Lushka 12 vite burg / 8 vite burg
Kyrylo Ponomarego 13 vite burg/ 8 e 4 muaj vite burg
Ksenofon Bodo 12 vite burg / 8 vite burg
Armando Papa 12 vite burg / 8 vite burg
Kostiantyn Biellon 12 vite burg / 8 vite burg
